Namangan shahrida yosh yigit qotillikka qo`l urdi.
Ma`lum bo`lishicha, 27 oktyabr kuni Namangan shahridagi «Barlos» kafesida taxminan soat 20.30 lar ikki yigit D.K. va J.S. o`tirganda, ularning suhbatiga N.K. kelib qo`shiladi.
Ular o`rtasida mojaro kelib chiqadi, tortishuv bilan uchovlon ko`chaga chiqadi. 24 yoshli yigit, N.K. shashlikpazning stoli ustidagi pichoqni olib, J.S.ning yurak sohasiga pichoq uradi va u og`ir jarohat tufayli voqea joyida vafot etadi.
Ayni vaqtda mazkur holat buyicha Namangan shahar prokuraturasi tomonidan N.K.ga nisbatan JKning 97-moddasi (qasddan qotillik) bilan jinoyat ishi qo`zg`atilib, viloyat prokuraturasi tomonidan tergov harakatlari olib borilmoqda.