Joriy yilning 26 noyabr kuni Surxondaryo viloyatining Denov tumanida yashovchi F.P. mast holda «Dena» savdo do`koni oldida eshiklari ochiq holda qarovsiz qoldirilgan «Namuna» mahallasida yashovchi Z.H. boshqaruvidagi Nexia avtomashinasini haydab qochgan.
Bu haqda IIV Jamoatchilik va ommaviy axborot vositalari bilan aloqalar boshqarmasi ma`lumotiga tayanib, O`zA xabar bermoqda.
Ko`rilgan choralar natijasida F.P. avtomashinani «Nurli manzil» mahallasi Bog`i baland ko`chasida haydab ketayotgan vaqtida ushlangan.
Holat yuzasidan jinoyat ishi qo`zg`atilib, tergov harakatlari olib borilmoqda.