O`zbekiston Respublikasining turli viloyatlaridan kelgan badiiy gimnastikachilar Samarqand shahrida O`zbekiston Kubogi uchun bahs olib bordi. Bu haqda Sports.uz xabar bermoqda.
Badiiy gimnastikachilar Sport ustasi va Sport ustaligiga nomzod dasturlari uchun bahslarda ishtirok etdi. To`rtta yo`nalish — tasma, halqa, to`p va bulava bahslarida poytaxtlik gimnastikachilar shohsupaga ko`tarildi.
Halqa va tasmada mashq qilish yo`nalishlarida Farxutdinova Ravilya birinchilikni qo`lga kiritdi. Saidxonova Komila to`pdagi mashqlarda tengsiz deb topilgan bo`lsa, bulava mashqida Yusupova Jasmin barchadan ustun keldi.
Sport ustaligiga nomzod dasturida mezbon gimnastikachi Usmonova Nuriniso halqa va to`p bilan o`tkaziladigan mashqlar g`olibasi deb topildi. Shu dasturning bulava va tasma mashqlarida esa toshkentlik Kisilyova Aleksiya va Abduvohidova Diana birinchilikni qo`lga kiritdi.
Ko`pkurash bahslarida Sport ustasi dasturida Farxutdinova Ravilya, Sport ustaligiga nomzod dasturida esa Toshkenboeva Sabina barcha raqiblaridan ustun keldi.
