Poytaxtimizning muhtasham Xalqlar do`stligi san`at saroyi xorij estradasining mashhur vakili Jeyson Deruloning konsert dasturiga mezbonlik qildi.
Pop yo`nalishidagi o`ziga xos qo`shiqlari bilan o`zbek tinglovchilariga yaxshi tanish bo`lgan Jeyson Derulo Toshkentdagi ilk konsertini muxlislar e`tiboriga havola etdi. AQShlik honanda dastur davomida allaqachon xitga aylangan qo`shiqlari bilan birga yangi taronalarini ham kuyladi. Deyarli bir yarim soat davom etgan konsert tomoshabinlarga yaqinlashib kelayotgan Yangi yil bayrami arafasida a`lo kayfiyat bag`ishladi.