Birinchi o`zbek mexanizator ayoli, ikki karra Mehnat Qahramoni Tursunoy Oxunova sharafiga ko`p yillar avval barpo qilingan-u, so`ng bir qadar qarovsiz qolib ketgan xotira maydoni davlatimiz rahbari topshirig`i asosida obodonlashtirilib, go`zal ma`naviyat maskaniga aylantirildi.
Muzey binosida tez kunda musiqa va shaxmat to`garaklari ish boshlasa, ko`p o`tmay atrofdagi erlar ham obodonlashtirilib, katta xiyobon, sun`iy futbol maydoni, mo``jaz kutubxonalar barpo qilinadi.
