Professional boksda yorqin faoliyat olib borayotgan bokschimiz Shohjahon Ergashev o`zining keyingi jangini qachon o`tkazishi aniq bo`ldi. Bu haqida bokschimizning o`zi ijtimoiy tarmoqlar orqali xabar bermoqda.
«Avvalombor, barchangizni Ramazon oyi bilan tabriklayman. O`n ettinchi jangim 9 iyun kuni Moskva shahrida bo`lib o`tadi. Bo`lajak bellashuvda qo`llab-quvvatlab turasizlar degan umiddaman«, – dedi bokschimiz videomurojaatda.
Eslatib o`tamiz, Shohjahon Ergashev shu paytgacha 16 bor ringga ko`tarilgan bo`lib, ularning barchasida g`alaba qozongan. Bo`lajak raqibi kim bo`lishi haqidagi ma`lumot yaqin kunlarda aniq bo`ladi.
