25 may kuni yurtimizning muhtasham saroylaridan "Xalqlar do`stligi" bitiruvchi yoshlar bilan gavjum bo`ldi. "Mening yurtim" telekanali 2019 yil bitiruvchilari uchun bir umrlik unutilmas tuhfa - konsert dasturi tayyorladi.
Kutilganidan ham a`lo darajada bo`lib o`tgan dasturda o`zbek estradasi xonandalari bilan bir sahnada rossiyalik estrada xonandasi MakSim ham yurtimiz yoshlariga katta hayot ostonasida omad va baxt tiladi.
Shou dasturga My5 teleboshlovchilari ham o`z chiqishlari bilan fayz bag`ishlashdi. Tashkilotchilarning ma`lum qilishicha, konsert dasturi tez kunlarda efirga uzatilishi rejalashtirilgan.
