1-7 iyun kunlari Rossiyaning Tolyatti shahrida gandbol bo`yicha yoshlar va o`smirlar o`rtasida xalqaro turnir bo`lib o`tdi. Musobaqada mamlakatimiz sharafini o`smirlar terma jamoamiz qatorida Andijon va Jizzax OZMI jamoalari ham himoya qilishdi.
Musobaqa yosh toifalariga qarab o`g`il bolalar va qizlar o`rtasida o`tkazildi. Unda hamyurtlarimizdan tashqari Rossiyaning turli avtonom Respublikalari, viloyat va shaharlaridan tashrif buyurgan jamoalar, shuningdek, Ukraina, Qozog`iston va ozarbayjonlik yosh gandbolchilar ham bahs olib borishdi.
Olimpiya qo`mitasi xabarida yozilishicha, aylana tizimda kechgan xalqaro turnir yakunida 2003-2004 yilda tug`ilgan o`smir yigitlarimiz kumush medalni qo`lga kiritishgan bo`lsa, qizlarimiz bronza medali bilan taqdirlanishgan.
