Angliyalik futbolchi Devid Bekxem AQShning Mayami shtati hukumati bilan futbol maydoni qurish borasida kelisha olmayapti. Bekxem Mayamida futbol jamoasini tuzish istagida bo`lgan investorlarga boshchilik qilmoqda. Qurilish maydoni to`g`risidagi ikkita taklif hukumat tomonidan rad qilindi, deya xabar bermoqda Reuters.
Shu o`rinda Shimoliy Amerika bosh futbol ligasi bosh komissari Don Garber “doim kutish” ham mumkin emasligini ma`lum qildi. "Bekxem ushbu qiyin jarayondan chiqib ketish bo`yicha qaror ustida ishni davom ettirmoqda. Liga hech kimni siqishtirib qo`ymaydi. Biz shunchaki aytishni istaymizki, Devidning Mayamiga tegishli bu rejasi, albatta, ijobiy hal bo`ladi”, - deydi u.
OAVning ma`lum qilishicha, Bekxem bu ishga qattiq bel bog`lagan, investorlarni topgan, 35 ming tomoshabinga mo`ljallangan arena loyihasini tayyorlagan. Birinchi marta qurilishga Mayami portida xizmat ko`rsatuvchi kompaniya uchrashuvlar vaqtida dengiz uzlida ish tartibining buzilishidan qo`rqib qarshi chiqqan edi. Ikkinchi raddiya sabablari e`lon qilinmagan.
Yakuni qaror 2015 yilning boshida chiqarilishi kutilmoqda.