Bugun, 11 oktyabr kuni Toshkent shahrida O`zbekiston Respublikasi Oliy Majlisi Senatining yigirma uchinchi yalpi majlisi o`z ishini boshladi.
Yalpi majlisda hukumat a`zolari, vazirlik va idoralar rahbarlari, mamlakatimiz va chet el OAV vakillari ishtirok etmoqda.
Majlisni Oliy Majlis Senati Raisi Tanzila Narbaeva olib bormoqda.
Kun tartibiga senatorlarning mamlakatimiz taraqqiyotining sifat jihatidan yangi bosqichida belgilangan maqsadlar va vazifalarni amalga oshirishga, 2017-2021 yillarda O`zbekiston Respublikasini rivojlantirishning beshta ustuvor yo`nalishi bo`yicha Harakatlar strategiyasini “Faol investisiyalar va ijtimoiy rivojlanish yili”da amalga oshirishga oid Davlat dasturida belgilangan vazifalar ijrosiga qaratilgan qator qonunlarni va boshqa masalalarni ko`rib chiqishi qo`yilgan.
Yalpi majlis Oliy Majlis Senatining rasmiy veb-sayti va ijtimoiy tarmoqdagi sahifalari orqali jonli efirga uzatilmoqda:
