U URUSh DAVRLARIDA BESh O`G`LIDAN AYRILGAN ONA
So`nggi vaqtlarda tarixiy filmlar suratga olishga kirishgan rejissyor Jahongir Ahmedov yana tarixga murojaat qildi...
Ayni kunlarda rejissyor “O`zbekkino” Milliy agentligi buyurtmasiga asosan “Ezgu film” kinostudiyasi tomonidan real voqealarga asoslangan “Ilhaq” filmining suratgaolishishlaribilan band. Ushbu film urush davrlarida bir emas, ikki ham emas, besh o`g`lidan ayrilgan jasorat, sabrning timsoli bo`lgan o`zbek onasi Zulfiya aya va uning farzandlari taqdiridan hikoya qiladi. Filmda to`qima obrazlar yo`q.
Shu o`rinda “Rejissyor urushning achchiq azoblarini nega aynan Zulfiya aya timsolida ko`rsatmoqchi bo`ldi?” degan haqli savol tug`iladi.
Jahongir AHMEDOV,rejissyor:
— Ushbu filmning g`oyasi tug`ilib, ssenariy sifatida shakllanganiga 10 yildan oshgan. O`zim Toshkent viloyati Zangiota tumani Xonobod qishlog`ida, ya`ni Zulfiya aya yashaganqishloqda tug`ilib o`sganman. Zulfiya Zokirova nomidagi mahallada ulg`aydim va shu nomli maktab da o`qidim. Birinchi ustozim ayaning nabira kelini. Ularning farzandlaridan eshitgan hikoyalarim orqali ayaning matonati meni juda ta`sirlantirgan. Aytmoqchimanki, bu filmning ssenariysi bolaligimdan shakllangan. Filmning ishchi nomi “Qora xat” edi, keyinchalik“Besh jangchining onasi”, deb nomlandi. Prezidentimiz 9 may – Xotira va qadrlash kunida Zulfiya ayaning matonati haqida gapirganlaridan so`ng qo`limdagi ssenariyni film qilishga ahd qildim va yakuniy nomi “Ilhaq” bo`ldi. Urush dahshati odamlar hayotidan nimalarni tortib olgani, fojialarini tomoshabin anglashi uchun filmni ayaning farzandlari quvonchidan baxtga to`la farovon kunlari tasviridanboshladik.
— Zulfiya aya roli uchun nega aynan Dilorom Karimovani tanladingiz?
— Bosh rolga 8 nafar aktrisa foto va video sinovlar topshirishdi. Tanlov qiyin kechdi, chunki raqobat katta edi. Nigohidagi qat`iylik, ichki matonati sabab, bosh rol aktrisa Dilorom Karimovaga nasib etdi.
"TAQDIRNING AJOYIB TUHFASI BO`LDI"
Dilorom KARIMOVA, O`zbekistonda xizmat ko`rsatgan madaniyat xodimi:
— Aktrisa uchun bunday rolning nasib qilishi juda kamyob voqea. Zulfiya aya roli taqdirning ajoyib tuhfasi bo`ldi. Ushbu rolning albatta o`ziga yarasha mas` uliyati ham bor. Filmda bir insonning taqdiri, tarixi ko`rsatilgan.
"MINGDAN OShIQ ODAMLARNI KIYINTIRDIK"
Zuhra G`ANIEVA, dizayner:
— Eng qiyin jarayon Farg`ona kanalida bo`ldi. Ommaviy sahnada suratga tushayotgan mingdan oshiq odamlarni kiyintirishga to`g`ri keldi. Suratga olish jarayonida tungi 01:00 dan tongi 5:00 gacha mingdan oshiqodamlarni kiyintirdik.
BILASIZMI?
Ayaning o`g`illari Muhammadjon 1941 yil iyulda, Ahmadjon undan bir oy keyin frontga ketadi. Kuzga borib Vahobjon bilan Yusufjonni ham kuzatishadi. Eng oxirida, 1944 yilning mart oyida Isoqjon jo`nab ketadi. Birin-ketin hamma o`g`illaridan qora xat keladi.
FAKT:
► Suratga olish ishlari sentyabr oyidan boshlandi.
► Tayyorgarlik jarayonla- riga 3 oy vaqt ketgan.
► Tasvirga olish ishlari Toshkent viloyatining So`qoq, Parkent, Zarkent, Qiziltog` kabi hududlarida bo`lib o`tyapti.
► Montaj ishlari suratga olish ishlari bilan barobar
olib borilyapti.
► Jami ijodiy guruh a`zolari 55 kishi.
►Aya yashagan Xonobod qishlog`ining bir qismini qurish uchun So`qoqda 1 gektar joy ajratildi. Ayaning avlodlari bilan suhbatlashib, aynan o`sha hovli 90 foiz bunyod etildi.
► 1939 yil Katta Farg`ona kanalining qurilishi sahnasidan boshlanadigan ushbu film 1962 yilgacha bo`lgan tarixni o`z ichiga oladi.
►Kinosinov 2 oyga yaqin davom etgan. Unda 100 dan ortiq aktyor-aktrisalar qatnashishgan.
► Film premerasi 2020 yilning 9 mayida tomoshabinlar e`tiboriga havola etiladi.
Sadoqat ALLABERGANOVA