“Banklar va bank faoliyati to`g`risida”gi Qonunning yangi tahriri Prezident tomonidan imzolandi.
Qonunga muvofiq, banklar amalga oshiradigan operasiyalar ro`yxati bir qator yangi bank operasiyalari bilan to`ldirildi.
Xususan, qimmatbaho metallardan yasalgan tangalarni sotib olish va sotish, elektron pullarni chiqarish, ulardan foydalanish va to`lash kabi operasiyalar shular jumlasidandir.
Qonun bilan, shuningdek, kreditorlar va omonatchilarning huquqlarini himoya qilish maqsadida banklar uchun taqiqlangan yoki cheklangan faoliyatga oid normalar belgilandi.
Qonunga ko`ra, bank ustav kapitalining eng kam miqdori yuz milliard so`mni tashkil etishi lozim.
Ushbu Qonun rasmiy e`lon qilingan kundan e`tiboran kuchga kiradi
