O`zbekiston hududi ustida bir necha kun davomida hukmronlik qilgan sovuq antisiklon chekinishni boshlaydi, bu kechki sovuqlarning biroz pasayishi va kunduzgi haroratning ozgina ko`tarilishiga olib keladi, deb xabar qilmoqda "O`zgidromet".
Ta`kidlanishicha, 9-10 noyabr kunlari kam bulutli ob-havo saqlanib turadi. Kechasi harorat 0-5 daraja, kunduzi 12-17 daraja iliq bo`lishi kutilmoqda.
"Yakshanbada Qozog`iston hududi bo`ylab navbatdagi sovuq havo oqimi o`tadi. Respublikamiz ana shu sovuq oqim chegarasida bo`ladi. Shu sababli bulutlar ko`payib, harorat 2-3 darajaga bir oz pasayadi", - deyilgan xabarda.