Yangi qurilayotgan uylardan olib berishni va`da qilib aldagan shaxs aniqlandi. Bu haqida Toshkent shahar IIBB ma`lum qildi.
Aniqlanishicha, 2018 yil 15-oktyabr kuni Olmazor tumanida 31 yoshli Jahongir K. 28 yoshli Elmira X.ga yangi qurilgan uydan xonadonni kreditga olib berishini va`da qilgan.
Undan 12.500 AQSh dollari olgan Jahongir va`dasida turmasdan, pullarni o`z ehtiyojiga sarflab yuborgan.
Ayni paytda ushbu fakt asosida O`zbekiston Respublikasi Jinoyat kodeksining 168-moddasi, ya`ni “Firibgarlik” bo`yicha jinoiy ish qo`zg`atildi.
