1

Ikki kundan buyon muhokamada bo`lgan shahar hokimi Ortiqxo`jaev masalasiga nuqta qo`yildi (foto)

Jamiyat 18.11.2019, 09:18
Teglar: Toshkent, hokim, Jahongir Ortiqxo`jaev
Ikki kundan buyon muhokamada bo`lgan shahar hokimi Ortiqxo`jaev masalasiga nuqta qo`yildi (foto)

Kun.uz sayti jamoasi shahar hokimi Jahongir Ortiqxo`jaev bilan uchrashdi va o`zaro tushunmovchilikka barham berildi.

So`nggi kunlarda ijtimoiy tarmoqlarda va mahalliy internet nashrlarida Toshkent shahri hokimi Jahongir Ortiqxo`jaev Kun.uz muxbirlarini haqoratlayotgani, ularga jismonan yo`q qilish bilan tahdid qilayotgani aks etgan audioyozuv faol ravishda muhokama qilinmoqda.

Shu sababdan bugun, 17 noyabr kuni vaziyatga oydinlik kiritish maqsadida Kun.uz tahririyati vakillari va Jahongir Ortiqxo`jaev o`rtasida uchrashuv bo`lib o`tdi.

Muloqot davomida shahar hokimligi va sayt tahririyatiga taalluqli, yuzaga kelgan muammoli masalalar muhokama qilindi.

Shuni rasman ma`lum qilmoqchimizki, mazkur muloqot yakuniga ko`ra sayt jamoasi va poytaxt hokimligi rahbariyati o`rtasidagi barcha tushunmovchiliklar barham topdi. Tomonlar bir-birini tushunib, o`zaro murosaga keldi.

Sayt tahririyati hokimning ushbu vaziyat yuzasidan bildirgan mulohazalarini qoniqarli deb topgan va hamkasblariga faol qo`llab-quvvatlaganliklari uchun minnatdorchilik bildirgan.

Shu bilan birgalikda, sayt xodimlari bu masalani ortiq muhokama qilmaslikni so`ragan.

Avvalroq, ma`lum bo`lishicha, mazkur tahdid shahar hokimidan Olmazor tumani hokimining sobiq o`rinbosari Abdurasul Vahobov bilan bog`liq voqeaning ertasiga Kun.uz muxbirlari Rahmatilla Isroilov, Sherzod Egamberdiev va Bahodir Ahmedov hokim qabulida bo`lgan chog`da yangragan.

 Davlat, jamoat tashkilotlari, siyosiy partiyalar Ortiqxo`jaev bilan bog`liq ishga munosabat bildirib, Bosh prokuratura tomonidan audioyozuvdagi ovozning Toshkent shahar hokimi Jahongir Ortiqxo`jaevga mansubligi, qachon, qaerda va qanday holatlarda yuz berganligi hamda boshqa holatlar o`rganilayotgani haqida xabar berilgandi.

 

Sharhlar

Toshkentda metropoliten xodimi pora bilan ushlandi

16.05.2024, 13:28

Toshkentda metropoliten xodimi pora bilan ushlandi. U fuqaroning ishonchiga kirib, uni ishga joylab qo`yishni va`da qilgan. Bu haqda Toshkent metropoliteni matbuot xizmati xabar berdi. Ma`lum qilinishicha,...
Toshkentda 25 yoshli yigit shilqimlik qilganligi uchun qamaldi

14.05.2024, 14:15

Joriy yilning 13 may kuni Toshkent shahar jinoyat ishlari bo`yicha Chilonzor tuman sudida ko`chada ayolga shilqimlik qilgan yigit bo`yicha ish ko`rib chiqildi. Bu haqda darakchi.uz...
Toshkentda talaba yigit 5 yilga qamaldi

08.05.2024, 17:27

O`zbekiston Jahon tillari universitetining 2 bosqich talabasi bo`lgan 20 yoshli yigit Toshkentdagi Isroil elchixonasi yoniga borib, uni yoqib yuborish maqsadida devor osha ichkariga kerosin solingan...
Toshkentda o`rtacha oylik ish haqi 8 mln so`mdan oshdi

29.04.2024, 14:00

2024 yilning yanvar-mart oylarida nominal hisoblangan ish haqi o`rtacha 8 mln.ni tashkil etadi. Bu haqda Statistika agentligi xabar berdi.  Ish haqining eng yuqori ko`rsatkichlari Toshkent...
Ob-havo: Toshkent
Valyuta kursi
1