Rossiya prezidenti Vladimir Putin “Ural airlines”ning ikki nafar uchuvchisi – Damir Yusupov hamda Georfiy Murzinlarni Rossiya Qahramoni unvoni bilan taqdirladi. Taqdirlash marosimi Kremlning Ekaterina zalida o`tkazildi. Bu haqda TASS xabar qildi.
Uchuvchilar shu yilning 15 avgustida o`z boshqaruvidagi Airbus A321 samolyotini Moskva viloyati Jukovskiy aeroporti yaqinidagi makkajo`xori dalasiga qo`ndirib aviahalokatning oldini olishga muvaffaq bo`lgan edi.
Yusupov va Murzinni “favqulodda vaziyatda xizmat vazifasini bajarishda ko`rsatgan jasorati uchun ”Rossiya Qahramoni sifatida taqdirlash to`g`risida"gi buyruq 16 avgust kuni imzolangan edi. Ekipajning boshqa a`zolari “Jasorat” medaliga sazovor bo`lishdi. Ularga Rossiya transport vaziri Evgeniy Ditrix mukofotni topshirgan.
