Bank xizmatlari iste`molchilari bilan o`zaro munosabatlarni amalga oshirishda tijorat banklarining faoliyatiga qo`yiladigan minimal talablar to`g`risidagi nizomga qo`shimchalar kiritish haqidagi qaror Adliya vazirligida davlat ro`yxatidan o`tkazildi.
Kiritilgan o`zgartirishlarga ko`ra, endilikda, bank qarz oluvchining va (yoki) garovga qo`yuvchining sug`urta kompaniyasi va (yoki) baholovchini tanlash huquqini cheklamaydi.
Shuningdek, bank qarz oluvchi tomonidan kredit (qarz) bo`yicha qarzdorlik summasini to`lash majburiyati to`liq bajarilgan sanadan boshlab uch ish kunidan kechiktirmagan holda mazkur qarz bo`yicha:
* garovda turgan mulkni taqiqdan chiqarish;
*garov sifatida bo`lgan mol-mulkka nisbatan bankning huquqlari to`g`risidagi yozuvni garov reestridan chiqarish choralarini ko`rishi shartligi belgilandi.
Hujjat haqidagi to`liq ma`lumot bilan www.lex.uz sayti orqali tanishish mumkin
