O`zbekistonlik olimlar tomonidan yangi stomatologik plombalash materiali yaratildi. Bu haqda kun.uz nashri xabar beradi.
Tarkibning o`ziga xosligi shundaki, u tish emirilishining oldini oladi. Tegishli idoralarga patent talabnomasi yuborilgan, ayni paytda yangi tarkib xususiyatlarini o`rganish davom etmoqda.
Yosh stomatolog Aziza Ro`ziboeva tomonidan ishlab chiqilgan tarkib minerallar, smola va sulfatlarni o`z ichiga oladi. Ular kerakli proporsiyada qo`llanganda nafaqat tishdagi kovakni to`ldirishi, balki tishdagi kalsiyning yuvib ketilishi natijasida emirilish boshlanishining oldini olishi mumkin. Bundan tashqari, bu tarkibdan yasalgan plombalar odatdagidan ko`ra ko`proq saqlanadi. Kashfiyotchining fikricha, material dori vositasi sifatida ham ta`sir ko`rsatishi mumkin.