Joriy yilning 14-15 yanvar kunlari O`zbekiston Respublikasi Tashqi ishlar vaziri Abdulaziz Komilov amaliy tashrif bilan Hindiston Respublikasida bo`ladi.
Vazirlik ma`lumotiga ko`ra, tashrif davomida Nyu-Dehli shahrida Hindiston Tashqi ishlar vaziri Subramanyam Jayshankar bilan muzokaralar o`tkazish rejalashtirilgan. O`zbekiston delegasiyasi “Raisina Dialogue” 5-xalqaro konferensiyasi ishida ham ishtirok etadi.
Tashrif doirasida forumda ishtirok etuvchi xorijiy delegasiya rahbarlari bilan ikki tomonlama uchrashuvlar o`tkazish kutilmoqda.
