O`zbekistonning 12 ta viloyatidan Oliy Majlis Senati a`zoligiga vakillar saylandi.
Saylangan senatorlarning ro`yxati viloyat hokimliklarining rasmiy sahifalarida e`lon qilindi. Ushbu saylangan senatorlar mavzusi ijtimoiy tarmoqlarda keng muhokama qilindi. Mazkur muhokamalar borasida MSK a`zosi Sherzodxon Qudratxodjaev o`z munosabatini bildirdi.
“Bugun biz ijtimoiy tarmoqlarda Senatga saylangan senatorlarning katta qismini yoshlar emas, balki yoshi ulug` insonlar tashkil etgani qizg`in munozaralarga sabab bo`lganini ko`rmoqdamiz.
Ammo, jahon amaliyotida, xususan Evropa Parlamentlarining ham yuqori palatasi katta hayotiy tajribaga ega va jiddiy yutuqlarga erishgan, malakali siyosatchilardan iborat bo`ladi.
Bilamizki, yoshi ulug` avlod vakillari harakatchan, yosh va dinamik avloddan aynan shu jihatlari bilan farq qiladi.
Quvonarlisi, bugun saylangan Senatorlar orasida avvalgi singari tuman hokimlari emas, balki O`zbekiston Qahramonlar, yirik ishlab chiqarish korxonalari rahbarlari, xalq shoirlari va yozuvchilari, fan doktorlari, akademiklar, nodavlat tashkilotlar rahbarlari borligidir. Bu katta o`zgarishdan dalolatdir. Shuningdek, ularning sal kam 30% ayollardan iborat.
Demak, Parlamentning Qo`yi palatasi harakatchan, qiziquvchan yosh avloddan iborat bo`lsa, yuqori palata aksincha, yoshi ulug` insonlardan tashkil topishi odatiy holdir.
Shu sababli ham, Senatning yangi tarkibi bizga "o`zaro tiyib turish va muvozanatni saqlash tizimi"ning qanday ishlashini qo`rsatadi.”