Xitoy Xalq Respublikasi raisi Si Szin Pin o`z xalqiga koronavirus epidemiyasiga qarshi kurashda g`alaba qozonishlariga «ishonishlari» kerakligini aytdi. Hozirgacha Xitoyda 900 dan oshiq odamning o`limiga olib kelgan ushbu epidemiya JSST tomonidan “global muammo” ga aylanganligi e`lon qilingandi.
Tarjumonning yozishicha, Xitoy poytaxti Pekindagi Ditan kasalxonasida tibbiy xodimlar bilan uchrashgan Xitoy rahbari o`z xalqiga qarata shunday dedi: «Biz oxir-oqibat ushbu epidemiyaga qarshi kurashda g`alaba qozonishimizga ishonishimiz kerak». Shuningdek, yuz niqobini taqqan Si o`z haroratini tekshirtirdi.
