Energetika vazirligi Matbuot xizmatining xabar berishicha, “Talimarjon issiqlik elektr stansiyasi” (IES)ning elektr energiyasi ishlab chiqarishga mo`ljallangan qurilmasida nosozlik tufayli ta`mirlash ishlari olib borilmoqda. Shu munosabat bilan, Respublikamizning ayrim hududlarida elektr energiyasi ta`minotida uzilishlar yuzaga kelmoqda. Ushbu nosozlikni qisqa fursatlarda bartaraf etish choralari ko`rilayotganligini va mazkur nosozlik bartaraf etilgach elektr energiyasi ta`minoti yaxshilanishini ma`lum qilamiz.
