Evropadagi koronavirus eng ko`p tarqalgan davlat Italiyada epidemiya qurbonlari soni etti kishiga etdi, deya yozdi Tarjumon.
Kasallanganlar esa 220 kishidan oshib ketgan. Italiya kasallikning tarqalishini to`xtatish uchun mamlakat shimoliy hududining ko`p qismini yopib qo`ydi.
Italiyaning sanoat va moliyaviy markazi bo`lgan shimoliy hududlari Lombardiya va Venetoda maktablar, universitetlar, muzeylar va kinoteatrlar kamida bir haftaga yopib qo`yildi va ommaviy yig`inlar ta`qiqlandi. Shu jumladan mashhur Venesiya karnavali ham qoldirilgan.
Italiya kompaniyalarining aksiyalari 5% ga tushib ketdi, bu to`rt yil ichidagi eng katta pasayishdir. Xavotirga tushgan aholi xo`jalikka kerakli narsalarni g`amlab olishmoqda. Natijada, supermarketlar bo`shab qolmoqda.
«Rostini aytganda, hech kim virusning bunday tez sur`atda tarqalishini kutmagandi», degan Lombardiya gubernatori Attilio Fontana.
