Jizzax shahridagi 24-maktab telegram kanalida o`qituvchilar o`quvchilarning sochini chizg`ich bilan o`lchashayotgani rasmlari e`lon qilindi. Bu haqda bloger Nozim Safari xabar qilgan.
Sochi me`yordan ortgan o`quvchilar doskaga chiqarilib, barchaning oldida izza qilingan, maktab ma`murlari ular bilan tushuntirish ishlari olib borgan.
Mazkur holat O`zbekiston Respublikasi normativ-huquqiy hujjatlar loyihalari muhokamasi portaliga “O`zbekiston Respublikasi Hukumatining ayrim qarorlariga o`zgartirishlar va qo`shimchalar kiritish to`g`risida”gi qaror loyihasi joylashtirilganidan so`ng yuz berdi.
Taklif etilayotgan tahrirga ko`ra, nodavlat ta`lim xizmatlari ko`rsatuvchi yuridik shaxslar faoliyatini amalga oshirishda lisenziya talablari va shartlariga ta`lim oluvchilarning kiyimiga:
turli din va konfessiyalar hamda turli submadaniyatlarga mansublikni aks ettiruvchi elementlarni (hijob, kipa, kashaya, xoch va boshqalar) qo`shishga hamda huquqni muhofaza qiluvchi organlar xodimlariga xos bo`lgan harbiy va idoraviy formali kiyim-bosh kiyib yurishga yo`l qo`ymaslik;
o`g`il bola ta`lim oluvchilarning tashkilotga tanasining ochiq qismiga tatuirovka tushirgan yoki pirsing qilgan, soqol qo`ygan, sochi 2-3 santimetrdan uzun bo`lgan va yorqin ranglarga bo`yalgan holda kelishlariga;
qiz bola ta`lim oluvchilarning tashkilotga tanasining ochiq qismiga tatuirovka tushirgan yoki pirsing qilgan, sochini yorqin ranglarga bo`yagan, yuzini ko`zga tashlanadigan darajada makiyaj qilgan, qulog`iga bittadan ortiq sirg`a taqqan, barmoqlariga uzuk taqqan, qo`l tirnoqlarini bo`yagan va uzun qilib o`stirgan holda kelishlariga yo`l qo`ymaslikka oid qoida kiritilmoqda.
01.04.2024, 16:31
Ijtimoiy tarmoqlarda Solixon domla nomi bilan tanilgan Solixon Ortiqxo`jaev 15 sutkaga qamaldi. Bu haqda Toshkent shahar sudlari Darakchi.uz ga xabar berdi.2024 yil 30 mart Toshkent...21.02.2024, 17:28
Xabaringiz bor, 2024 yil 1 fevral kuni “Pedagogning maqomi to`g`risida”gi Qonun imzolandi. Undagi pedagoglar uchun eng asosiy o`zgarishlardan biri – endi maktabga yangi ishga kirgan...13.02.2024, 09:36
Tvitterda Majin Bu taxallusi ostida yashiringan taniqli Apple insayderi yangi avlod iPhonelari haqida yangi ma`lumotlar bilan bo`lishdi. Insayder xabaridan ma`lum bo`lishicha, kompaniya bir vaqtning o`zida...29.09.2023, 00:10
Bugun, 28 sentyabr kuni soat 02:43 da Toshkent shahar Sergeli tumani "Quruvchilar" dahasida joylashgan omborxonalarning birida kuchli chaqnash oqibatida yong`in sodir bo`lgani haqida xabar bergan...