"Toshshahartransxizmat" AJ xabariga ko`ra, asosiysi harakat tarkibni zamonaviy, har taraflama iqtisodiy samara beradigan transport vositalari bilan to`ldirish maqsadida qator loyihalar hayotga tadbiq etmoqda.
Jumladan, yaqinda Belorusiyadan keltirilgan elektrobus 3 oy davomida yo`nalishda sinovdan o`tkazildi. Yurtimiz iqlim sharoitiga mos transport turini tanlash maqsadida yana bir xorijiy kompaniyaning taklifi o`rganilmoqda. Shunga muvofiq Xitoyning Yutong kompaniyasi tomonidan ishlab chiqarilgan elektrobus namunasi poytaxtimizga keltirildi.
Ishlab chiqaruvchi tomonidan taqdim etilgan ma`lumotga ko`ra ZK6128BEVG modelidagi mazkur elektrobus 215 k/vat bilan harakatlanadi. Bir marta olingan quvvat bilan 300 kilometrdan ziyod masofani bosib o`tadi. Elektrobus saloni 5 ta kuzatuv kamerasi hamda monitor bilan jihozlangan. Undan tashqari dvigatel qismiga yong`inga qarshi avtomat tarzda ishlovchi uskuna o`rnatilgan. Shuningdek, kondisioner, isitish tizimi bilan ta`minlangan. 12 metr uzunlikdagi mazkur elektrobus o`rtacha 70 nafar yo`lovchiga mo`ljallangan.
Mazkur elektrobus yurtimiz iqlim sharoitida avtobus yo`nalishlarida bir necha oy davomida sinovdan o`tkaziladi.
Ushbu transport vositasi joriy yil 7 martdan 51-yo`nalishda o`zining dastlabki qatnovini boshlaydi.
