Avvalroq, Samarqanddagi restoranlardan birida 8 mart bayramini striptiz o`ynab nishonlagan bir guruh qizlar qo`lga olingani haqida xabar va unga ilova qilingan video taqdim qilgan edik. Ayi paytda ushbu holat bo`yicha tekshiruv o`tkazilib, qo`lga olingan qizlarga nisbatan chora ko`rilgani ma`lum qilindi.
Jaxongir Sagdullaev, Viloyat IIB axborot xizmati boshlig`i:
— 2020 yilning 8 mart kuni, Samarqand viloyati Qo`shrabot tumani Jo`sh qishlog`ida yashovchi, 1991 yilda tug`ilgan fuqaro I.M. Samarqand shahar O`rta Xo`ja Soat mahallasida joylashgan “Ikrom choyxonasi” nomli oshxonada o`zining tug`ilgan kunini nishonlash maqsadida bazm uyushtirgan.
Ushbu bazmga yig`ilgan I.M.ning yaqin dugonalari Samarqand viloyati, Pastdarg`om tumani, Zormon qishlog`ida yashovchi 1996 yilda tug`ilgan fuqaro J.F va Jizzax viloyati, Do`stlik tumani, A.Navoiy MFY, Yangixayot ko`chasida yashovchi 1992 yilda tug`ilgan fuqaro X.S.lar raqsga tushib, mazkur oshxonada o`tirgan fuqarolar va ularning oila a`zolariga noqulaylik tug`dirgan.
Shundan so`ng, fuqarolar “Ikrom choyxonasi” ma`muriyatiga I.M. va uning tanishlarining xatti-harakatlari yuzasidan shikoyat bildirganliklari sababli, ularning orasida o`zaro kelishmovchilik yuzaga kelgan.
Samarqand shahar Quyi Xo`ja Soat mahallasida yashovchi 1986-yilda tug`ilgan Azamat ismli fuqaro I.M. va uning dugonalarini bayram bazmini tugatib, kafedan chiqib ketishliklarini so`raganlarida, bazmda spirtli ichimlik iste`mol qilgan I.M.uning tanishlari J.F va X.S. hamda fuqarolar o`rtasida kelishmovchilik paydo bo`lganidan so`ng, Azamat darxol huquqni muhofaza qiluvchi organlar xodimlariga murojaat qilgan. Shundan so`ng, Milliy gvardiya xodimlari kelib, I.M va uning tanishlarini IIB binosiga olib borishmoqchi bo`lganlarida, ular Milliy gvardiya xodimlariga faol qarshilik ko`rsatishgan.
Qizlardan ikkitasiga BHM 3 baravari miqdoridagi jarima, bittasiga 5 sutka muddatga ma`muriy qamoq jazosi tayinlandi.
