Kuni kecha ijtimoiy tarmoqlarda Andijonda shifokorlarga pichoq bilan tajovuz qilinganligi aks ettirgan videolavha tarqalgan edi.
Kecha IIV Matbuot xizmati tomonidan berilgan bayonotga ko`ra, shifokorga bo`lgan tajovuz yuzasidan surishtiruv o`tkazilgan. Suhbatda fuqaro pushaymonligini bildirib, o`sha kuni qo`lida pichoq bo`lmaganligini aytgan.
Bugun ushbu holat bo`yicha Sog`liqni saqlash vazirligi tomonidan ham qo`shimcha ma`lumotlar berildi.
Bosh prokuratura ham Andijonda shifokorlarga tajovuz qilinganligi holati yuzasidan bayonot bermoqda.
Ta`kidlanishicha, 29 fevral kuni fuqaro M.X. Respublika shoshilinch tibbiy yordam ilmiy markazi Andijon filiali travmatologiya qabulxonasiga kelib, shifoxonaga yotqizilgan opasiga tibbiy yordam ko`rsatilmaganligi vaji bilan xizmat vazifasini bajarayotgan shifokorlarni uyatli so`zlar bilan haqorat qilib, bemorga etarli darajada tibbiy muolajalar ko`rsatilishiga to`sqinlik qilgan.
Shuningdek X.M. shifoxona hamshirasidan opasiga tan jarohatlari etkazilganligi haqida huquqni muhofaza qiluvchi organlarga murojaat qilmaslikni talab qilib, ularni uyatli so`zlar bilan haqorat qilib, shifokorlarning qonuniy faoliyatiga faol qarshilik ko`rsatgan.
Mazkur holat yuzasidan Andijon shahar prokuraturasi tomonidan 10.03.2020 yilda Jinoyat kodeksining 219-moddasi (Hokimiyat vakiliga yoki fuqaroviy burchini bajarayotgan shaxsga qarshilik ko`rsatish) bilan jinoyat ishi qo`zg`atilgan va fuqaro X.M. prosessual tartibida ushlangan.
Hozirda mazkur jinoyat ishi yuzasidan dastlabki tergov harakatlari olib
