Ijtimoiy tarmoqlarda Qashqadaryo viloyati Qamashi tumanida “Neksiya” avtomobili ishtirokida ayanchli YTH ro`y berganligi va uning oqibatida og`ir jabrlangan ayolga yordam berilmayotganli tasvirlangan video tarqalgan edi.
Qashqadaryo viloyati IIB Matbuoti xizmatining xabariga ko`ra, 2020 yil 7 mart kuni soat 12-00larda Q.E.Yuldoshev o`zining boshqaruvida bo`lgan"Neksiya-1" avtomashinasini “Qarshi-Shahrisabz” yo`lining Qamashi tumani Qo`shkapa MFY hududida Shahrisabz yo`nalishida boshqaruvini yo`qotib, yo`nalishi bo`yicha yo`lning chap tomon chetki qismiga chiqib ag`darilib ketadi.
Mazkur holat yuzasidan Qamashi tuman IIB TTG voqea sodir bo`lgan joyni ko`zdan kechirgan. Hodisa tafsilotiga aniqlik kiritish maqsadida sudga oid avtotexnika ekspertizasi tayinlangan.
Shuningdek, sodir bo`lgan halokat natijasida avtomashinada yo`lovchi sifatida ketayotgan, fuqaro X.M.Jo`raeva og`ir shikastlanish, kalla va bosh miyaning yopiq shikasti, bosh miyani lat eyishi og`ir darajasi, ko`krak qafasi yopiq shikasti, chapda 2-7 qovurg`alarni yopiq sinishi ko`rinishidagi og`ir shikast oladi. Natijada Qamashi tuman tibbiyot birlashmasi reanimasiya bo`limiga tushgan. Yana shu avtomashinada bo`lgan yo`lovchi M.J.Majidova ham chap umrov suyagining yopiq sinishi ko`rinishidagi jarohat olib, RShTYoIM Qashqadaryo filialiga tushganligi aniqlangan.
Mazkur holat bo`yicha Qamashi tumani IIB huzuridagi TB tergovchisi podpolkovnik A.Xolmatov tomonidan haydovchi Q.E.Yuldoshevga nisbatan 2020 yil 11 mart kuni JKning 266-moddasi 1-qismi bilan jinoyat ishi qo`zg`atilib tergov harakatlari olib borilmoqda.
