Ижтимоий тармоқларда Қашқадарё вилояти Қамаши туманида “Нексия” автомобили иштирокида аянчли ЙТҲ рўй берганлиги ва унинг оқибатида оғир жабрланган аёлга ёрдам берилмаётганли тасвирланган видео тарқалган эди.
Қашқадарё вилояти ИИБ Матбуоти хизматининг хабарига кўра, 2020 йил 7 март куни соат 12-00ларда Қ.Э.Юлдошев ўзининг бошқарувида бўлган"Нексия-1" автомашинасини “Қарши-Шаҳрисабз” йўлининг Қамаши тумани Қўшкапа МФЙ ҳудудида Шаҳрисабз йўналишида бошқарувини йўқотиб, йўналиши бўйича йўлнинг чап томон четки қисмига чиқиб ағдарилиб кетади.
Мазкур ҳолат юзасидан Қамаши туман ИИБ ТТГ воқеа содир бўлган жойни кўздан кечирган. Ҳодиса тафсилотига аниқлик киритиш мақсадида судга оид автотехника экспертизаси тайинланган.
Шунингдек, содир бўлган ҳалокат натижасида автомашинада йўловчи сифатида кетаётган, фуқаро Х.М.Жўраева оғир шикастланиш, калла ва бош миянинг ёпиқ шикасти, бош мияни лат ейиши оғир даражаси, кўкрак қафаси ёпиқ шикасти, чапда 2-7 қовурғаларни ёпиқ синиши кўринишидаги оғир шикаст олади. Натижада Қамаши туман тиббиёт бирлашмаси реанимация бўлимига тушган. Яна шу автомашинада бўлган йўловчи М.Ж.Мажидова ҳам чап умров суягининг ёпиқ синиши кўринишидаги жароҳат олиб, РШТЁИМ Қашқадарё филиалига тушганлиги аниқланган.
Мазкур ҳолат бўйича Қамаши тумани ИИБ ҳузуридаги ТБ терговчиси подполковник А.Холматов томонидан ҳайдовчи Қ.Э.Юлдошевга нисбатан 2020 йил 11 март куни ЖКнинг 266-моддаси 1-қисми билан жиноят иши қўзғатилиб тергов ҳаракатлари олиб борилмоқда.
