Joriy yilning 11 mart kuni soat 09:00 da, Nukus shaharida haydovchi A.B. boshqaruvidagi “Matiz” rusumli transport vositasida oldinda harakatlanayotgan avtomashinani quvib o`tish maqsadida qarama-qarshi yo`nalishga chiqib harakatlangan. Natijada qarshisidan harakatlanib kelayotgan haydovchi T.A. boshqaruvida bo`lgan “Gazel” rusumli transport vositasi bilan to`qnashuv sodir qilgan. “Matiz” rusumli transport vositasi haydovchisi A.B. voqea joyida vafot etdi. Bu haqda O`zbekiston Respublikasi IIV YHXBB Axborot xizmati ma`lum qilmoqda.
“Gazel” rusumli transport vositasining 17 nafar yo`lovchilari tan jarohati olishib shifoxonaga murojaat qilishgan. "Hurmatli yo`l harakati ishtirokchilari yo`llarda harakatlanganda “Yo`l harakati qoidalari”gi amal qilishingizni, o`zingiz va o`zgalar hayotini xavf ostiga qo`ymasligingizni so`rab qolamiz" deyiladi xabarda.
