Oliy va o`rta maxsus ta`lim vazirligi tomonidan karantin tufayli e`lon qilingan ta`til mobaynida o`quvchilar va talabalarga masofadan bilim olish imkoniyatini yo`lga qo`yish maqsadida barcha resurslar ishga solinmoqda.Bu haqda Edu.uz rasmiy kanali xabar berdi.
Navbatdagi loyiha "UzReport" telekanali ijodkorlari bilan hamkorlikda tashkil etilib, “Teledars” ko`rsatuvi o`quvchilarga uydan chiqmasdan sifatli ta`lim olish imkonini beradi.
“Teledars” dasturida Toshkent irrigasiya va qishloq xo`jaligini mexanizasiyalash muhandislari instituti “International house-Tashkent” akademik liseyining xalqaro tajribaga ega bo`lgan malakali o`qituvchilari ilg`or texnologiyalar asosida respublikamizning barcha o`quvchi-yoshlari uchun onlayn videodarslar taqdim etishadi.
“Teledars” dam olish kunlaridan tashqari har kuni:
👉 10:15da geografiya;
👉 11:15da matematika;
👉 12:15da fizika fanlaridan to`g`ridan to`g`ri efirga uzatiladi.
Shuningdek, dasturni "UzReport" telekanalning facebook sahifasi va youtube kanali orqali bevosita onlayn efirda kuzatib borish, Oliy va o`rta maxsus ta`lim vazirligining facebook sahifasi va youtube kanalida tanishish mumkin.
Hozirda vazirlik O`zMTRK va O`zEOAVMA tizimidagi telekanallar orqali talabalar va o`quvchilarga videodarslarni yo`lga qo`yish bo`yicha hamkorlik qilmoqda.
Shu o`rinda, vazirlik o`quvchilar va ularning ota-onalaridan yaratilayotgan imkoniyatlardan unumli foydalanishni so`ramoqda.
