31 dekabr kuni Toshkent metrosi bekatlarining ish vaqti odatdagidan 2 soatga uzaytiriladi. Bu haqda metropoliten matbuot xizmati xabar berdi.
Qayd etilishicha, metro ilk marotaba 31 dekabr soat tonggi 05:00 dan 1 yanvar soat tungi 02:00 gacha yo‘lovchilarga xizmat ko‘rsatadi.
Qo‘shimcha dam olish kunlarida metro poyezdlarining harakat jadvali yuzasidan hozirda rejaviy ishlar amalga oshirilmoqda. Bu bo‘yicha keyinroq qo‘shimcha ma’lumot taqdim etiladi.
Avvalroq Toshkent metropoliteni birinchi marta bir kunda 1 million yo‘lovchiga xizmat ko‘rsatgani xabar qilingandi. Millioninchi yo‘lovchiga poytaxt jamoat transportidan bir yil davomida bepul foydalanish imkonini beruvchi transport kartasi sovg‘a qilingan.
