Braziliya janubidagi Gramado shahrida, Riu-Grande-du-Sul shtatida xususiy samolyot turar-joy hududiga qulab tushdi. Bu haqda Globo xabar berdi.
Ma’lum qilinishicha, samolyotda to‘qqiz kishi bo‘lgan, tirik qolganlar yo‘q.
Shtat rasmiylari o‘n kishining o‘limini tasdiqlagan.
"Bortda San-Paululik tadbirkor Luis Klaudio Salgueiro Galeatsi bo‘lgan. Bu shaharga samolyot uchayotgan edi. Galeazzi samolyotni o‘zi boshqargan. Yo‘lovchilar orasida uning rafiqasi, kuyovi, qaynonasi va uch farzandi, shuningdek, tadbirkorning singlisi va ikki farzandi bo‘lgan",- deyiladi xabarda.
Samolyot mebel do‘koniga qulagan. Mahalliy hokimiyat ma’lumotlariga ko‘ra, 14 kishi jarohat olib, kasalxonaga yotqizilgan. Voqea joyida o‘t o‘chiruvchilar ishlayotgani va yoqilg‘i portlashi xavfi hamon saqlanib turganligi xabar qilingan.
