Tungi soat 01.30 da Navoiy shahar markazidagi ko`p qavatli uylardagi xonadonlarning birida baland ovozda yangrayotgan musiqa va shovqin–suron tunggi nazoratda bo`lgan xodimlarning e`tiborini tortdi. Buni qarangki, xodimlar ayni avjiga chiqqan bazmning kutilmagan mehmonlariga aylanishdi. Karantin paytida bir necha kishining bir joyga to`planishi cheklangan vaqtda bu erdagi yigit va qizlar spirtli ichimlik iste`mol qilib, sarxush holatda tunggi klub manzarasini uyda yaratishga harakat qilishgan. Bu holatga o`z vaqtida chek qo`yildi va qoidabuzarlar jarimaga tortildi.






