2015 yil 24 aprel kuni soat 20.30 lar chamasida Farg`ona viloyati Qo`qon shahar, Furqat ko`chasida joylashgan “Avtogaz” mas`uliyati cheklangan jamiyatga qarashli “Sayohat” nomli avtomashinalarga gaz quyish shahobchasida suyultirilgan gazni sig`imga to`kish texnologiyasiga to`liq rioya qilinmaganligi oqibatida yong`in sodir bo`lgan.
O`zbekiston Respublikasi Ichki ishlar vazirligi matbuot markazining xabar berishicha, shahobchadagi ikkita turli hajmdagi sig`imlar yong`inda qizish oqibatida yorilib, portlash yuz bergan.
Yong`inni bartaraf etish vaqtida shahobchaning bir nafar ishchisi va ikki nafar yong`in xavfsizligi xizmati xodimlari turli darajadagi kuyish jarohatlari bilan kasalxonaga yotkizilganlar.
Hozirda moddiy zarar miqdori aniqlanmoqda.
Holat bo`yicha dastlabki tergovoldi surishtiruv harakatlari olib borilmoqda.