Osh tuzi koronavirus profilaktikasi uchun tavsiya etilgan dorilar ro`yxatiga kiritildi
Rossiya Federasiya sog`liqni saqlash vazirligi natriy xlorid (osh tuzi)ni koronavirus profilaktikasi uchun tavsiya etilgan dorilar ro`yxatiga kiritdi. Bu haqda vazirlikning rasmiy saytida e`lon qilindi.
Rossiya SSV tavsiyasiga ko`ra, osh tuzidan tayyorlangan izotonik eritma bilan burun shilliq qavatini chayish mumkin. Bu, mutaxassislar ta`kidlaganidek, yuqumli kasalliklarning bakterial va virusli patogenlari sonini kamaytiradi.
Shu o`rinda eslatib o`tamiz, koronavirusdan himoyalanishning eng ma`qul chorasi - shaxsiy gigiena qoidalariga rioya etishdir. Qo`llarni tez-tez sovun bilan yuvish, bir martalik tibbiy niqoblarni har ikki soatda almashtirib turish yodingizdan chiqmasin!
