Joriy yilning 14 may kuni soat 11:15 larda, Qashqadaryo viloyati, Qarshi tuman, Uzunnova qishlog`idan o`tuvchi “G`uzor-Buxoro-Nukus-Beyneu” avtomobil yo`lida YTH sodir bo`ldi. Ya`ni "Paz 3742” avtobusini boshqarib kelayotgan mast haydovchi yo`l chetida taksi to`xtatmoqchi bo`lib turgan fuqaroni urib yuborgan. Bu haqda IIV YHXBB xabar berdi.
Ma`lum bo`lishicha shirakayf bo`lgan haydovchi “Paz 3742” rusumli transport vositasida “KAR-VASh” nomli yoqilg`i quyish shaxobchasidan qaytib chiqayotgan bo`lgan. Shu vaqtda orqaga harakatlanayotganda yo`lning chetida taksi to`xtatish maqsadida turgan 1995 y.t. D.R.ni ko`rmay qolgan.
Natijada, piyoda D.R. (erkak) og`ir tan jarohatlari olib voqea joyida vafot etgan.
Mazkur YTH yuzasidan Qarshi tuman IIB TB tomonidan surishtiruv ishlari olib borilmoqda.
"Barcha yo`l harakati ishtirokchilaridan yo`llarda harakatlanganda yo`l harakati qoidalariga amal qilishlarini, haydovchilar transport vositasini mastlik holatida boshqarmasliklarini so`rab qolamiz", deyiladi xabarda.
