YouTube rasmiy axborot manbalari — Jahon sog`liqni saqlash tashkiloti va mahalliy sog`liqni saqlash idoralarining koronavirus to`g`risidagi xabarlariga zid bo`lgan ma`lumotlar aks etgan materiallarni joylashni taqiqladi. Bu haqda AOKA telegram kanalida ma`lumot berildi.
Jumladan quyidagi mavzulardagi axborotlarni tarqatish taqiqlangani aytilmoqda:
muayyan millat yoki irq odamlari COVID-19 ga qarshi immunitetga ega ekanligi to`g`risida;
xalq tabobati bilan davolanishga va kasal bo`lganda tibbiy yordam so`ramaslikka oid chaqiriqlar;
nafas siqilishi — organizmda koronavirus borligining ishonchli alomati ekani to`g`risida;
koronavirus yuqtirish ehtimoli tufayli Osiyo taomlarini tanovul qilmaslik haqida;
COVID-19 kasalligi 5G tarmog`i orqali tarqalishdan kelib chiqqani to`g`risida;
kasallik issiq iqlimli mamlakatlarda tarqamasligi haqida;
ijtimoiy masofa va izolyasiyalanish virus tarqalishini to`xtatish bo`yicha samarali vosita emasligi to`g`risidagi videolar.
