O`zbekiston Respublikasi Prezidenti Shavkat Mirziyoev 5 iyun kuni Farg`ona viloyatiga amaliy tashrif bilan keldi.
Davlat rahbari korteji dastlab Qo`shtepa tumanidagi «Tursunov Yusufjon eri» fermer xo`jaligi yonida to`xtadi. Bu erda 50 gektar g`alla, 30 gektar paxta etishtirilmoqda. Prezidentimiz g`alla rivojini ko`zdan kechirdi. Gektaridan 82 sentner hosil olish kutilmoqda.
Shu erda qishloq xo`jaligi sohasi mutasaddilari va qo`shtepalik fermerlar bilan muloqot bo`ldi.
- Har bir hududning eri, resurslari, imkoniyatlari o`ziga xos. Bugun Farg`onaga kelishimizdan maqsad - bu imkoniyatlarni to`liq safarbar qilib, odamlarga ish o`rni, daromad manbai uchun sharoit yaratish, har bir tuman bo`yicha aniq reja shakllantirish. Qanday mehnat qilsak, shunday hayot bo`ladi, - dedi Shavkat Mirziyoev.
Xo`jalik dalasi yonida «Grapes and Gardens Investment» kompaniyasi tomonidan intensiv bog` ham yaratilgan. 100 gektarda o`rik, 52 gektarda gilos ekilgan. Tomchilatib sug`orish, sun`iy soya qilish uskunalari o`rnatilgan.
Ispaniya va Fransiyadan keltirilgan o`rik navining hosildorligi juda yuqori. Bu eksportda muhim omil bo`ladi. Bugungi kunda bog` uchastkalari kooperasiya asosida tajribali tadbirkorlarga berilmoqda.
Davlatimiz rahbari daraxt qatorlari orasiga sarimsoqpiyoz va dukkakli ekinlar ekish, bunday bog`larni ko`paytirish bo`yicha ko`rsatmalar berdi.
Shu erda qishloq xo`jaligi va agrosanoat loyihalari taqdimoti o`tkazildi.
