Samarqandlik A. shu yilning 27 may kuni Sankt -Peterburgdan charter reys orqali yurtimizga kelgan va Karantin markaziga tibbiy kuzatuvga olingandi. Unda joriy yilning 1 iyun kuni “Covid-19” infeksiyasi tasdiqlanib, poytaxtimizdagi Virusologiya ilmiy tekshirish instituti klinikasiga yotqizilgan.
Koronavirus infeksiyasiga chalingan ushbu bemor (erkak) uzoq yillar davomida o`tkir leykoz, surunkali anemiya og`ir darajasi va nafas etishmovchiligi kabi kasalliklar bilan davolanib kelgan.
Shu yilning 1-iyun kuni bemorning ahvoli og`irlashib, reanimasiya bo`limiga o`tkazilgan. Shu kungacha unga bosh mutaxassislar tomonidan konsultasiyalar, mamlakatimizdagi tegishli ixtisoslashtirilgan tibbiyot markazlarining shifokorlari tomonidan telemedisina orqali konsiliumlar o`tkazilib, doimiy nazorati ta`minlangan.
Biroq standartlar bo`yicha ko`rsatilgan reanimasion muolajalarga qaramasdan bemor o`tkir nafas va yurak qon-tomir etishmovchiligidan vafot etgan.
