Oliy Majlis Senatining beshinchi yalpi majlisini joriy yil 19 iyun kuni chaqirish to`g`risida qaror qabul qilindi.
Videokonferensaloqa shaklida o`tkaziladigan yalpi majlisda bir qator dolzarb masalalar ko`rib chiqilishi rejalashtirilgan.
Yalpi majlisda, jumladan, quyidagi qonunlar ko`rib chiqiladi:
“Innovasion faoliyat to`g`risida”gi;
“Ov qilish va ovchilik xo`jaligi to`g`risida”gi;
“Fuqarolarning jamoat tartibini saqlashda ishtirok etishi to`g`risida”gi;
“Geodeziya va kartografiya faoliyati to`g`risida”gi.
Bundan tashqari, senatorlar tomonidan “Energiyadan oqilona foydalanish to`g`risida”gi O`zbekiston Respublikasi Qonuniga o`zgartish va qo`shimchalar kiritish haqida”gi, “O`zbekiston Respublikasining Jinoyat-ijroiya kodeksiga mahkumlarning huquqlari va qonuniy manfaatlari ishonchli himoya qilinishini ta`minlashga qaratilgan o`zgartish va qo`shimchalar kiritish to`g`risida”gi, “O`zbekiston Respublikasining ayrim qonun hujjatlariga o`zgartish va qo`shimchalar kiritish to`g`risida”gi qonunlar muhokama qilinadi.
Shu bilan birga, Adliya vazirining O`zbekistonda 2019 yilda huquqiy targ`ibot va ma`rifat sohasida amalga oshirilgan ishlar yuzasidan axboroti eshitilishi nazarda tutilgan.
