Bosh prokuratura huzuridagi Departamentning Andijon viloyati Asaka tumani bo`limi tomonidan o`tkazilgan tergovga qadar tekshirishda, “S.” nodavlat ta`lim muassasasi rahbari T.N. va boshqalar 2019 yil davomida bir necha fuqaroning ishonchiga kirib, ularni Koreya davlatidagi oliygohlarga o`qishga kiritib qo`yish hamda viza olib berish evaziga 3 ta holatda 20 300 AQSh dollari va 8 mln so`mni firibgarlik yo`li bilan qo`lga kiritganliklari aniqlangan. Bu haqda Darakchiga Bosh prokuratura axborot xizmati xabar berdi.
Mazkur holat yuzasidan N.T. va boshqalarga nisbatan Jinoyat kodeksining 168-moddasi 3-qismi bilan jinoyat ishi qo`zg`atilib, tergov harakatlari o`tkazilmoqda.
