"Izvestiya" nashrining Yaroslav tayyor dori mahsulotlari zavodi («R-Farm» filiali) direktori Vladimir Kolshkinga tayanib ma`lum qilishicha, koronavirus infeksiyasi xastaligining engil shaklini davolash uchun mo`ljallangan «Koronavir» preparati shu yilning iyul oyida 150 ming qadoqda bozorga chiqariladi.
— Preparatni ro`yxatdan o`tkazish uchun Rossiya sog`liqni saqlash vazirligiga taqdim qildik, iyul oyi boshida 150 mingdan ortiq qadoq dori bozorga chiqariladi, — dedi u Rossiya Prezidenti Putin ishtirokida bo`lib o`tgan yig`ilishda.
