Bu haqda Sputnikka Samarqand viloyati hokimining turizmni rivojlantirish masalalari bo`yicha o`rinbosari Botir Nurullaev ma`lum qilgan.
"Orzu Mahmudova (sobiq Zoya Kosmodemyanskaya) ko`chasi butunlay obodonlashtirildi va biz uni milliy taomlar ko`chasiga aylantirmoqchimiz. Ushbu loyihaning maqsadi texnologiya va noyob atmosferani birlashtirgan shaharda nafaqat sayyohlar, balki mahalliy aholi uchun ham diqqatga sazovor maskanga aylanadigan jamoat joyini yaratishdir", — dedi Botir Nurullaev.
Ko`cha bo`ylab chiroqlar o`rnatiladi, yangi arxitektura inshootlari barpo etiladi. Granit qoplamasi allaqachon yotqizilgan.
Shuningdek, shaharda o`quv turistik parki yaratilishi rejalashtirilgan. Shuningdek, Alisher Navoiy, Islom Karimov, Pushkin ko`chalari va Universitet bulvari turistik zonaga aylantirilishi ko`zda tutilmoqda.
