Toshkent viloyatining ma`muriy markazi hisoblangan Nurafshonni ham mamlakatimizdagi birinchi aqlli shaharga aylantirish rejalashtirilyapti. Bu haqda viloyat hokimligi axborot xizmati ma`lum qildi.
Umumiy maydoni 217 gektardan iborat bo`lgan To`ytepa shaharchasi o`rnida vujudga kelgan Nurafshon shahrining jami maydoni bugungi kunda qariyb 16 baravar kengaygan bo`lib, ayni paytda 3248 gektarga teng.
Mavjud 22 ta mahalla fuqarolar yig`inida 48 ming nafarga yaqin aholi istiqomat qiladi.
Bugun shahardagi ulkan qurilish ishlari davom etmoqda. Xususan, shahar markazi Toshkent yo`li ko`chasida 213 ta ob`ekt buzilib, joy egalariga mahalliy byudjet hisobidan 24 milliard so`m tovon puli to`lab berildi.
Markaziy ko`chada 172 ta bino va inshoot qad ko`tarishi rejalashtirilgan bo`lib, bugungi kunda ularning 36 tasida qurilish ishlari olib borilyapti.
