Mazkur hujjat sog`liqni saqlash vaziri tomonidan tasdiqlangan bo`lib, unga asosan tibbiyot xodimlari tomonidan bemorlarga resept yozishda dori vositalarining savdo nomini emas, balki uning tarkibidagi ta`sir qiluvchi moddalarni yozish talab etiladi. Bu haqda Adliya vazirligi axborot xizmati ma`lum qildi.
Bu fuqarolarga tarkibi bir xil bo`lgan dori vositalarini o`zlarining xohishiga asosan sotib olishlariga imkoniyat yaratadi, shuningdek, tibbiyot xodimlari o`rtasida yuzaga kelishi mumkin bo`lgan korrupsiyaviy holatlarni, tibbiyot xodimlari va farmasevtika kompaniyalari o`rtasidagi noqonuniy kelishuvlarni oldini olishga xizmat qiladi.
Elektron tizimning joriy etilishi bir qator qulaylik va engilliklar yaratadi:
- Adliya vazirligiga kiritilayotgan hujjat qog`oz shaklida berilmaydi va muhr bilan tasdiqlanmaydi;
- vazirlik va idoralar bilan kelishish uchun elektron raqamli imzodan foydalaniladi;
- hujjatlar bir vaqtning o`zida jamoatchilik muhokamasidan o`tkaziladi;
- hujjatlarni qabul qilish uchun alohida adliya vazirining buyrug`i qabul qilinmaydi, ular unikal raqam berilgan holda elektron davlat reestriga kiritiladi hamda davlat ro`yxatidan o`tkaziladi;
- davlat ro`yxatidan o`tkazilgan hujjatlar avtomatik ravishda Qonun hujjatlari ma`lumotlari milliy bazasida (www.lex.uz) chop etiladi.
