O`zbekiston Respublikasida korrupsiyaga qarshi kurash, xufiyona iqtisodiyotga barham berish, davlat va fuqarolar o`rtasidagi munosabatlarda ochiqliknita`minlash bo`yicha qator tizimli ishlar amalga oshirilmoqda.
Davlat aktivlarini boshqarish agentligi huzuridagi “E-IJRO AUKSION” yagona savdo maydonchasi O`zbekiston Respublikasi Prezidentining 2017 yil 27 iyuldagi “Sud hujjatlari va boshqa organlar hujjatlarini ijro etishda mol-mulkni realizasiya qilish tartib-taomillarini tubdan takomillashtirish chora-tadbirlari to`g`risida”dagi 3149-sonli qaroriga asosan tashkil etilgan bo`lib, mulkni realizasiya qilish bo`yicha qonuniylik, shaffoflik va xolislikni ta`minlash, narx-navo manipulyasiyasi va boshqa suiiste`molchiliklarga yo`l qo`ymaslik hamda ularning oldini olish, er uchastkalariga bo`lgan huquqni realizasiya qilishda korrupsiyani, davlat mulkini sotishda turli noqonuniy tuzilmalar paydo bo`lishining oldini olishga xizmat qilib kelmoqda.
2020 yilning 6 oyi mobaynida “E-IJRO AUKSION” savdo maydonchasida ochiq auksionlar orqali boshlang`ich narxi 559 mlrd.so`mlik 8,4 ming mulk 651,2 mlrd.so`mga, ya`ni boshlang`ich narxiga qaraganda 92 mlrd.so`m qimmatroqqa realizasiya qilindi. Onlayn auksionlarda qatnashish uchun 34,3 ming nafardan ortiq ishtirokchilardan arizalar kelib tushgan bo`lsa, ularning asosiy qismi tadbirkorlik va yakka tartibda uy-joy qurish uchun er uchastkalarini sotib olish istagini bildirgan.
Koronavirus pandemiyasi davrida Respublikamizda tadbirkorlar uchun tadqim etilgan imtiyozlar natijasida birgina iyun oyida o`tkazilgan onlayn auksionlarda ishtirokchilar soni yanada oshib, mulklarni xarid qilishda qizg`in kurashlar bo`lib o`tdi.
Misol uchun:
Toshkent viloyati, Ohangaron tumanidagi avtomobillarga gaz quyish shoxobchasi qurishga mo`ljallangan er uchastkasi uchun o`tkazilgan savdoda 4 ta talabgor boshlang`ich narxi 127 mln.so`mlik lot uchun kurashib, 135 qadamdan so`ng, yakunda ushbu er uchastkasi 985 mln.so`mga realizasiya qilindi. | |
Xorazm viloyati, Gurlan tumanidagi davlat aktivi bo`lgan tikuvchilik majmuasi elektron onlayn auksionda 95,9 mlrd.so`mga sotildi. | |
Toshkent shahri Uchtepa tumani, Dilkash ko`chasi, 2-uyda joylashgan boshlang`ich narxi 750 mln.so`m bo`lgan sobiq zavod hududi hamda mazkur binodagi tekstil ishlab chiqarish uskunalari uchun savdolarda 15 nafar ishtirokchi o`rtasida o`tgan onlayn auksionda mulk narxi 796 qadamga oshirilib, 12,7 mlrd.so`m narx tasdiqlandi. | |
Qoraqalpog`iston Respublikasi, Nukus shahridagi boshlang`ich narxi 7,6 mln.so`mlik ko`pqavatli turar joy binolari qurishga mo`ljallangan er uchastkasi onlayn savdolarda 705,2 mln.so`mgasotildi.Onlayn savdoda 5 nafar ishtirokchi o`rtasida qizg`in kurash borgan. | |
Samarqand viloyati, Qo`shrabod tumanidagi boshlang`ich narxi 3,9 mln.so`mlik er uchastkasi uchun onlayn savdolarda 218 mln.so`m sotildi. Onlayn savdoda 2 nafar ishtirokchi o`rtasida savdolar o`tdi. | |
Toshkent shahri, Shayxontohur tumanidagi boshlang`ich narxi 291 mln.so`mlik er uchastkasi uchun onlayn savdolarda 888,8 mln.so`m sotildi. Onlayn savdoda 11 nafar ishtirokchi o`rtasida qizg`in kurash borgan. |
Yuqorida keltirilgan onlayn savdolar natijasidan ko`rinib turibdiki, “E-IJRO AUKSION”yagona elektron savdo maydonchasi orqali o`tkazilgan elektron onlayn auksionlar ochiqlik tamoyiliga asoslanib, samarali tarzda o`tkazilmoqda.Yaratilgan tizim xalqimizni rozi qilish bilan birga, fuqarolarning turli idoralarning ostonasida mulk sotib olish, uni rasmiylashtirish bilan bog`liq masalalarda sarson bo`lishi holatlariga chek qo`ymoqda.
Bugungi kunda e-auksion.uz savdo maydonchasida 8,7 mingdan ortiq mulklar savdoga chiqarilgan bo`lib, 3,7 mingdan ortiq tadbirkorlik faoliyati uchun, 2,2 mingdan ortiq yakka tartibda uy-joy qurish uchun er uchastkalarini sotib olish imkoniyati mavjud. Siz ham shaffof auksionlarda ishtirok etib, mulk egasiga aylaning.
Elektron onlayn auksionlarni tashkil etish markazi DUK