2020 yilning 01 iyul kuni soat 07:00 da haydovchi 21 yoshli H.S. boshqaruvida bo`lgan “Cobalt” rusumli avtomashinani Buxoro viloyat Peshko` tumani hududidan o`tuvchi A-380 yo`lining Xorazm-Buxoro yo`nalishi bo`ylab boshqarib borib, ushbu yo`lning 395-kilometrida, o`zi bilan bir yo`nalishda, oldinda harakatlanib borayotgan 52 yoshli Yu.Sh., ning boshqaruvida bo`lgan “Mercedes-Benz 1841 LS” rusumli yuk avtomashinasining orqa qismiga urilib, yo`l transport hodisasini sodir etgan.
IIV huzuridagi Tergov departamentining xabar berishicha, YTH natijasida “Cobalt” avtomashina haydovchisi H.S. va yo`lovchi sifatida ketayotgan 22 yoshli S.Y. hamda 50 yoshli P.N., lar hodisa joyda vafot etganlar.
Mazkur holat yuzasidan Peshko` tuman IIB huzuridagi Tergov bo`limi tomonidan O`zbekiston Respublikasi Jinoyat kodeksining 266-moddasi 3-qismi “a” bandi bilan jinoyat ishi qo`zg`atilgan. Hozirda jinoyat ishi bo`yicha Buxoro viloyati IIB huzuridagi Tergov boshqarmasi tomonidan tergov harakatlari olib borilmoqda.
Hurmatli haydovchilar transport vositasini xushyor va sergak holatda boshqarshingizni, amaldagi “Yo`l harakati qoidalariga” qat`iy rioya qilishingizni so`raymiz, deyiladi xabarda.
