Poytaxtlik Z. 45 yoshga to`lgan edi. Unda bir necha kun davomida koronavirus infeksiyasi alomatlari sezilib, tana haroratining ko`tarilishi, tomog`ida og`riq va holsizlik kuzatilgan.
Ammo shunday bo`lishiga qaramasdan u shifokorga o`z vaqtida murojaat qilmay, uy sharoitida davolanib yurgan.
Natijada shu yilning 30 iyun kuni Toshkent shahar tez tibbiy yordam shifoxonasiga o`ta og`ir holatda, o`tkir nafas etishmovchiligi bilan olib kelinib, reanimasiya bo`limiga yotqizilgan.
Bemorga (erkak kishi) yurak ishemik kasalligi, o`tkir yurak va nafas etishmovchiligi, ikki tomonlama pnevmoniya dastlabki tashxisi qo`yilgan.
Bemorning davolanishi davomida kunlik ahvoli malakali shifokorlar va etakchi mutaxassislar tomonidan kerakli maslahat va telemedisina orqali bir necha bor konsiliumlar o`tkazilib, doimiy nazoratga olingan.
Biroq shifokorlarning reanimasion muolajalariga qaramasdan bemor o`tkir yurak-qon tomir va o`pka etishmovchiligidan vafot etdi.
