Pokistonning sharqidagi Panjob viloyatida poezd avtobus bilan to`qnashdi. Natijada kamida 19 nafar ziyoratchi halok bo`ldi. Bu haqda stv xabar berdi.
Ma`lum bo`lishicha, avtobus ruxsat etilmagan joydan temir yo`lni kesib o`tmoqchi bo`lgan.
Dastlabki ma`lumotlarga ko`ra, haydovchi yo`l harakati qoidalarini buzgan va yo`lda poezd yo`qligiga ishonch hosil qilmagan.
Jabrlanganlar kasalxonaga yotqizilgan bo`lib, ayni damda ularning soni aniqlanmoqda.